| ᐱᓕᕆᐊᖑᔪᖅ: ᐅᑭᐅᖅᑕᖅᑐᒥ ᐃᓄᐃᑦ ᐊᒻᒪᓗ ᐃᑦᑕᕐᓂᓴᖁᑎᖏᑦᑕ ᕿᓪᓕᖅᑐᓕᐊᖓᑦ | |
|
ᐱᔭᐅᒋᐊᓐᖓᓚᐅᖅᑐᖅ ᐃᓕᓐᓂᐊᕈᑎᒃᓴᓕᐊᖑᓯᒪᓪᓗᓂ ᓄᓇᕗᒻᒥ ᐃᓕᓐᓂᐊᕐᕕᖏᓐᓄᑦ, ᑖᓐᓇ ᑲᑎᖅᓱᐃᕕᐅᓯᒪᔪᖅ ᕿᓪᓕᖅᑐᖅ ᐃᑲᔫᑎᒃᓴᑦᓯᐊᕙᒻᒪᕆᐊᓗᒃ ᑐᑭᓯᑎᑦᓯᒋᐊᒃᑲᓐᓂᕈᑎᒃᓴᐅᓪᓗᓂ ᐅᑭᐅᖅᑕᖅᑐᒥᒃ, ᐊᒻᒪᓗ ᐃᓄᖏᓐᓂᒃ ᓯᓚᒥᓐᓂᒃ ᐊᕙᑎᒥᓐᓂᒃ ᐊᖏᕐᕋᖅᑖᕆᐊᓐᖓᖅᓯᒪᔪᓂᒃ ᐅᑭᐅᕋᓴᕐᔪᐊᕌᓗᓐᓂᒃ ᑕᐅᓴᑎᓂᒃ. ᑖᓐᓇ ᕿᓪᓕᖅᑐᖅ ᑐᑭᓯᑎᑦᓯᒋᐊᕈᑦ ᐱᒋᐊᕈᑎᖃᕐᖢᓂ ᑐᑭᓯᑎᑦᓯᒋᐊᕐᓂᕐᒥᒃ ᐅᑭᐅᖅᑕᖅᑑᑉ ᐊᕙᑖᓂᒃ. ᑲᑎᒍᑕᐅᖃᑦᑕᓲᓂᒃ ᑕᔾᔪᐊᕐᓂᐅᖃᑦᑕᖅᓯᒪᔪᒥᒃ ᐃᓱᓕᒍᑎᖃᖅᓯᒪᓪᓗᓂ ᓯᕗᓪᓕᖅᐹᖅ ᑎᑎᕋᖅᓯᒪᓂᖓ, ᑲᔪᖏᖅᓴᐃᒍᑕᐅᔪᖅ ᐃᓕᓐᓂᐊᖅᑎᒥᒃ ᐃᓱᒪᒃᓴᖅᓯᐅᕆᐊᒃᑲᓐᓂᖁᓪᓗᒍ ᐱᒡᒐᓇᖅᑐᑎᒍᑦ ᐃᓚᒌᑦ ᐊᕐᕌᒍᒥ ᖃᖓᐅᓕᕌᖓ ᑭᖑᓕᐊᓅᖅᐸᓪᓕᐊᓂᐅᔪᒥᒃ (ᐅᐱᕐᖔᖅ, ᐊᐅᔭᖅ, ᐅᑭᐊᑦᓵᖅ, ᐅᑭᐅᖅ) ᐃᓱᒪᒋᐊᕐᓂᖏᓐᓂ ᓇᒧᓐᖓᑲᓐᓂᕆᐊᖃᓕᕐᒥᕐᒪᖔᑕ ᐊᓐᓇᐅᒪᒍᑎᒋᓂᐊᖅᑕᒥᓂᒃ ᒪᑭᒪᔾᔪᑎᒃᓴᒥᓄᑦ ᐱᓇᓱᐊᕐᓗᑎᒃ. ᑭᖑᓪᓕᖅ ᑎᑎᕋᖅᓯᒪᓂᖓ ᑐᑭᓯᑎᑦᓯᒋᐊᕈᑦ ᐅᑭᐅᖅᑕᖅᑑᑉ ᐃᓄᖏᓐᓂᒃ, ᓴᓇᕐᕈᑎᖏᓐᓂᒃ, ᐅᖅᑯᐊᖏᓐᓂᒃ, ᐊᒻᒪᓗ ᐃᖏᕐᕋᔾᔪᑎᒋᖃᑦᑕᓲᖏᓐᓂᒃ. ᐱᖓᔪᐊᓐᓂ ᑎᑎᕋᖅᓯᒪᓂᖓ ᑐᑭᓯᑎᑦᓯᒋᐊᕈᑦ ᖃᐅᔨᓴᖅᑎᕐᔪᐊᑦ ᐃᑦᑕᕐᓂᓴᓕᕆᓂᖓᓂᒃ ᐃᓚᖃᖅᑐᑎᒃ ᒪᓕᒐᓕᐊᖑᓯᒪᔪᓂᒃ ᐊᕙᑎᒧᑦ ᑲᒪᔾᔪᑎᒃᓴᐅᔪᓐᓇᖅᑐᓂᒃ ᐃᑦᑕᕐᓂᓴᖃᕐᕕᐅᔪᓂᒃ ᓄᓇᓂ ᓄᓇᕗᒻᒥ ᐅᑉᓗᒥ. ᑭᖑᓪᓕᖅᐹᖅ ᑎᑎᕋᖅᓯᒪᓂᖓ ᐅᖃᐅᓯᓕᒃ ᐱᑕᓕᕐᔪᐊᒻᒪᕆᐊᓘᓂᖓᓂᒃ ᐃᑦᑕᕐᓂᓴᖃᕐᕕᐅᔪᒥ ᓄᓇᒥ ᖁᑦᑎᑦᑐᒥ. ᑕᕝᕙᓂ ᑎᑎᕋᖅᓯᒪᓂᖓᓂ ᑲᑎᑕᐅᓯᒪᖃᑕᐅᒻᒥᔪᑦ, ᐃᓕᓐᓂᐊᖅᑎᒧᑦ ᐃᑲᔪᖅᑕᐅᔾᔪᑎᒃᓴᓂᒃ ᓇᓗᓇᐃᖅᑐᐃᔭᕆᐊᖃᕐᓂᕐᒥᒃ ᐱᖁᑎᒥᓂᕐᓂᒃ ᐊᒻᒪᓗ ᑐᑭᑖᕈᑎᖃᕆᐊᖃᕐᓂᕐᒥᒃ ᑐᓃᑦ ᒥᑦᓵᓄᑦ ᐊᒻᒪᓗ ᑑᓖᑦ ᖃᐅᔨᒪᔭᐅᔪᑦ ᑕᒫᓂᒥᐅᖑᖃᑦᑕᖅᓯᒪᓂᖏᓐᓂᒃ. ᕿᓪᓕᖅᑐᖅ ᑕᑯᔪᒥᓇᖅᑐᖅ ᐃᓕᓐᓂᐊᖅᑎᓕᒫᖏᓐᓄᑦ ᐅᑭᐅᖅᑕᖅᑑᑉ. ᕿᓪᓕᖅᑐᓕᐊᖑᓯᒪᔪᖅ ᓴᖅᑭᖅᑕᐅᔪᓐᓇᓚᐅᖅᑐᖅ ᑲᑐᔾᔨᖃᑎᒌᖃᑦᑕᒻᒪᕆᑦᓯᒪᓂᖏᓐᓄᑦ ᐅᑭᐅᖅᑕᖅᑐᒥ ᐃᑦᑕᕐᓂᓴᓕᕆᖃᑦᑕᖅᓯᒪᔪᓂᒃ ᐊᑯᓂᐊᓗᒃ, ᐃᓄᐃᑦ ᐃᓐᓇᒻᒪᕆᖏᓐᓂᒃ, ᓄᓇᕗᑦ ᒐᕙᒪᖓᑕ ᐃᓕᓐᓂᐊᕐᓂᓕᕆᔨᒃᑯᖏᓐᓂᒃ ᐊᒻᒪᓗ ᐃᓄᐃᑦ ᐱᖁᑎᖏᓐᓂᒃ ᓇᐅᑦᓯᑐᖅᑏ, ᓄᓇᕗᒻᒥ ᓄᓇᑖᕈᑕᐅᓯᒪᔪᒧᑦ ᑲᑐᔨᖃᑎᒌᑦ. ᐃᓄᒃᑎᑐᑦ, ᖃᓪᓗᓈᑎᑐᑦ ᐊᒻᒪᓗ ᐅᐃᕖᑎᑑᖅᑐᑦ ᐊᑕᖏᖅᑕᐅᓯᒪᔪᑦ ᐊᒻᒪᓗ ᑎᑭᓵᕆᔭᐅᔪᓐᓇᖅᑐᑦ ᑕᑯᒋᐊᕐᓗᒍ ᓂᐅᕕᕐᕕᒋᔭᕗᑦ.
|
The CD is of interest to all students of the arctic. Visit our Store to order a copy. |
 |
ᐅᖃᐅᓯᒃᓴᑎᑦ ᐊᐅᓪᓚᑎᓪᓗᒋᑦ ᐃᑭᐊᖅᑭᔾᔪᑎᒧᑦ ᐅᕗᖓ ᑖᒃᑯᓇᓂᓕᒫᖅ ᑎᑎᕋᖅᓯᒪᔪᑦ ᐃᑭᐊᖅᑭᔾᔪᑎᑦᑎᓐᓂ ᒪᓕᒐᖅᑎᒍᑦ ᐃᔾᔪᐊᖅᑕᐅᔾᔭᐃᒃᑯᑎᓖᑦ © ᐱᒋᔭᐅᓂᖏᓐᓂᒃ ᐃᓄᐃᑦ ᐱᖁᑎᖏᓐᓂᒃ ᓇᐅᑦᓯᑐᖅᑎᒃᑯᓐᓄᑦ. |
ᐅᕝᕙᓘᓐᓃᑦ ᓇᓕᑐᐃᓐᓇᑎᓐᓂᒃ ᑐᓴᕆᐊᕐᕕᖃᕈᒪᒍᕕᑦ ᑖᒃᑯᓇᓃᑦᑐᑦ ᐃᖅᑲᓇᐃᔭᖅᑏᑦ-ᓚᓯᒪᔪᓂ.