ᐱᓕᕆᐊᖑᔪᑦ: ᐅᑭᐅᖅᑕᖅᑐᒥ ᐊᕕᑦᑐᕐᓯᒪᓂᖓᓂ ᓄᐊᑦᓯᓂᕐᒧᑦ ᐊᐅᓚᑦᓯᓂᖅ  

ᐱᓇᓱᐊᕈᑕᐅᔪᒧᑦ ᐱᔾᔪᑎᒋᔭᐅᔪᖅ ᓄᐊᑦᓯᓯᒪᔪᓕᒫᑦᓯᐊᑦ ᓄᓇᕗᒻᒥ ᐊᑐᖃᑦᑕᖁᓪᓗᒋᑦ ᐊᔾᔨᒌᒥᒃ ᓄᐊᑦᓯᓂᕐᒧᑦ ᐊᐅᓚᑦᓯᒍᓯᕐᒥᒃ, ᐃᓛᒃ ᑖᑦᓱᒧᖓ ᓯᕗᓪᓕᕐᐹᒧᑦ ᐱᓕᕆᐊᖑᔪᒧᑦ, ᑐᕌᒐᕆᔭᕗᑦ 8-ᓂᒃ ᑲᑐᔾᔨᖃᑎᖃᕈᒪᓪᓗᑕ. ᐱᓇᓱᐊᒐᑦᑎᓐᓄᑦ ᑐᕌᒐᕆᖃᓯᐅᑎᔭᕗᑦ ᖃᐅᔨᓴᕐᓂᖅ ᐊᔾᔨᒌᓐᖏᑦᑐᓂᒃ ᓄᐊᑦᓯᓂᕐᒧᑦ ᐊᐅᓚᑦᓯᓂᕐᒥᒃ ᑲᑎᖅᓱᐃᕕᓕᐅᕐᓯᒪᓂᖅ, ᐊᑭᖓᓂ ᖃᐅᔨᓴᕐᓂᖅ/ ᐊᑐᒃᑲᓐᓂᕋᑦᓴᐅᖃᑦᑕᕈᓐᓇᓂᐊᖅᑐᓂᒃ ᓇᓗᓇᐃᕐᓯᓯᒪᒍᑎᒃᓴᓪᓗᐊᑕᑦ, ᓂᕈᐊᕐᓂᖅ ᓈᖕᒪᓂᕐᐹᒥᒃ, ᐊᒻᒪᓗ ᐸᕐᓇᓐᓂᖅ ᐊᑐᓕᖅᑎᑦᓯᕙᓪᓕᐊᓂᕐᒧᑦ ᐊᒻᒪᓗ ᐱᓕᖕᒪᒃᓴᐅᑎᒃᓴᓄᑦ. ᐊᑐᓕᖅᑎᑦᓯᓂᕐᒧᑦ ᐱᓕᖕᒪᒃᓴᐅᑏᓪᓗ ᑖᒃᑯᓄᖓᑐᐊᖅ ᐃᓕᖓᓇᔭᓐᖏᑦᑐᑦ ᐊᑐᖅᑕᐅᖃᑦᑕᕐᓗᑎᒃ ᓄᐊᑦᓯᓂᕐᒧᑦ ᐊᐅᓚᑦᓯᒍᑎᓄᑦ, ᑭᓯᐊᓂᑦᑕᐅᖅ ᐋᖅᑭᓱᖅᑕᐅᓂᖓᓄᑦ, ᓇᓗᓇᐃᖅᑐᖅᑕᐅᓂᖓᓄᑦ ᐊᒻᒪᓗ ᖃᕆᓴᐅᔭᒨᖅᑲᖅᑕᐅᓂᖓᓄᑦ ᓇᕿᑐᐃᓐᓇᕆᐊᓕᖕᓄᑦ ᐋᖅᑭᓱᖅᑕᐅᓗᑎᒃ ᑖᒃᑯᐊ ᓄᐊᑕᐅᓯᒪᔪᑦ. ᐊᒻᒪᓗ ᓱᓕ, ᑭᖑᓪᓕᐹᒥ ᓴᖅᑭᔮᖅᑎᑕᐅᓂᖓ ᐅᕝᕙᓘᓐᓃᑦ ᐊᑐᖅᑕᐅᔭᕆᐊᖃᕐᓂᖓ ᑖᑦᓱᒪ ᐱᓕᕆᐊᖑᔪᖅ ᐱᓕᕆᖃᑕᐅᔪᑦ ᑲᑐᔾᔨᖃᑎᒌᑦ ᐴᖅᑲᐃᖃᑦᑕᕆᐊᖃᕋᔭᖅᑐᑦ ᖃᕆᓴᐅᔭᒧᑦ ᐱᓇᓱᐊᒐᕆᔭᒥᓂᒃ ᑎᑎᕋᖅᑕᐅᓯᒪᔪᑦ ᐱᖁᑎᑐᖃᒥᓂᓕᕆᔨᒃᑯᓐᓄᑦ ᑲᓇᑕᒥ ᐊᒻᒪᓗ ᑐᖅᑯᖅᑕᐅᓯᒪᓂᖏᑦ ᑎᑎᕋᕐᓯᒪᔪᑦ ᐱᖁᑎᑐᖃᒥᓂᓕᕆᔨᕐᔪᐊᑯᓐᓄᑦ ᑲᓇᑕᒥ. ᑖᓐᓇ ᓴᖅᑭᕈᑕᐅᓇᔭᖅᑐᖅ ᖃᐅᔨᔭᐅᒃᑲᓐᓂᕈᑕᐅᓗᓂ ᐃᓕᓴᕆᔭᐅᓯᒪᓂᖓᓂᒃ ᓄᓇᕗᒻᒥ ᐱᖅᑯᓯᑐᖃᓕᕆᓂᖅ ᑕᐃᒃᑯᓄᖓ ᑲᒪᒋᔭᖃᓪᓚᑕᖅᑐᓄᑦ ᐃᓄᐃᑦ ᐱᖅᑯᓯᑐᖃᖏᓐᓂᒃ ᖃᓪᓗᓈᓃᓐᖔᖅᑐᑦ ᓴᖅᑭᐅᒪᑎᑦᓯᔪᑑᖃᑦᑕᖏᓪᓗᑎᒃ ᑎᒥᐅᔪᑦ ᓄᓇᕗᑦ ᐱᖅᑯᓯᑐᖃᖓᓂᒃ.

ᓱᒻᒪᑦ ᑖᑦᓱᒥᖓᑦᓴᐃᓐᓇᖅ ᓄᐊᑦᓯᓂᕐᒧᑦ ᐊᐅᓚᑦᓯᔾᔪᑎᒥᒃ ᐊᑐᕆᐊᖃᖅᑲ?

ᐃᓛᒃ ᑖᓐᓇ ᐱᓇᓱᐊᒐᐅᔪᖅ ᐊᐅᓚᑕᐅᓂᖓ ᑲᑐᔾᔨᖃᑎᒌᒍᑕᐅᓪᓗᓂ ᑲᓇᑕᒥ ᐱᖅᑯᓯᑐᖃᓕᕆᔨᒃᑯᑦ ᑐᓴᐅᒪᔾᔪᑎᓄᑦ ᑲᓲᒪᔾᔪᑎᖓᒍᑦ, ᑐᓐᖓᕕᓕᐅᖅᑐᒍᑦ ᐱᓕᕆᐊᒃᓴᓄᑦ ᑕᒪᐃᓐᓄᑦ ᐱᖅᑯᓯᑐᖃᓕᕆᔨᐅᔪᓄᑦ ᑎᒍᒥᐊᖅᑐᓄᑦ ᓄᐊᑦᓯᒪᔭᖏᓐᓄᑦ (ᐃᓚᒋᔭᐅᓪᓗᓂ ᑐᖅᑯᕐᓯᒪᑦᓯᓂᖅ ᐱᖁᑎᑐᖃᒥᓂᕐᓂᒃ) ᐊᒻᒪᓗ ᑎᑎᕋᕐᓗᑎᒃ, ᑲᑐᔾᔨᖃᑎᖃᕐᓗᑎᒃ ᐊᒻᒪᓗ ᐋᖅᑭᓯᐊᕐᓯᒪᖁᓪᓗᒍ ᐊᐅᓚᑦᓯᓂᖅ ᓄᐊᓯᒪᔭᖏᓐᓂᒃ. ᑕᑉᕘᓇ ᐱᓇᓱᐊᖅᑕᐅᓂᖓᒍᑦ ᐱᓕᕆᐊᖑᔪᖅ ᐴᖅᑲᐃᓂᐊᖅᑐᒍᑦ ᖃᕆᓴᐅᔭᒧᑦ ᒥᑦᓯᑎᓐᓅᖏᑦᑐᖅ 400-ᓂᒃ ᓄᑖᓂᒃ/ ᐋᖅᑭᒋᐊᕐᓯᒪᔪᓂᒃ ᐴᖅᓯᓗᑕ ᐱᑐᖃᖁᑎᒥᓂᓕᕆᔨᒃᑯᓐᓄᑦ ᑲᓇᑕᒥ. ᑖᓐᓇ ᐅᔾᔨᓇᖅᑐᖅ ᐱᔾᔪᑎᒋᓪᓗᒍ ᐱᑕᖃᓐᖏᓐᓂᖓᓄᑦ ᓄᓇᕗᒻᒦᑦᑐᓂᒃ ᓄᐊᑕᐅᓯᒪᔪᓂᒃ ᑕᑉᕙᓃᑦᑐᖃᓐᖏᒻᒪᑦ ᒫᓐᓇ ᑲᓇᑕᒥ ᑐᖅᑯᖅᑐᐃᕕᖕᒥ ᓄᐊᑕᐅᓯᒪᔪᓄᑦ. ᓴᖅᑭᕈᑕᐅᓂᐊᖁᔭᕋᓗᐊᕗᑦ ᐊᖏᓂᕐᓴᐅᓗᓂ ᓇᓗᓇᐃᖅᑕᐅᓯᒪᓂᖓ ᑲᑐᔾᔨᖃᑎᒌᓐᓂᕐᓴᐅᓂᕐᒧᑦ ᖃᐅᔨᓴᕐᓂᖅ ᐊᒻᒪᓗ ᐊᑐᖅᑐᐊᕐᓂᖅ ᐊᒻᒪᓗ ᐊᑐᖅᑐᐊᑎᑦᓯᓂᖅ ᐊᑐᖅᑐᐊᖅᑕᐅᔪᒪᓇᔭᖅᑐᓂᒃ. ᐃᑲᔫᑎᓂᐊᖅᑐᖅ ᖁᑉᕙᑲᓐᓂᕈᑕᐅᓗᓂ ᓄᓇᕗᑦ ᓇᓗᓇᐃᖅᑕᐅᓯᒪᓂᖓᓄᑦ ᐊᒻᒪᓗ ᐅᔾᔨᕈᓱᑦᑎᑦᓯᑲᓐᓂᓂᕐᒥᒃ ᓄᐊᓯᒪᔭᑦᑎᓐᓂᒃ ᐅᑭᐅᖅᑕᖅᑐᒥ ᐊᕕᑦᑐᕐᓯᒪᓂᓕᒫᖓᓂ, ᑲᓇᑕᒥ ᐊᒻᒪᓗ ᓄᓇᕐᔪᐊᒥ.


 

 

 

 

ᐱᖁᑎᑐᖃᓕᕆᔨᒃᑯᑦ ᑲᓇᑕᒥ ᑲᓇᑕᓕᒫᒥ ᐱᖁᑎᑐᖃᒥᕐᓂᓄᑦ ᑲᑎᖅᓱᐃᕕᒃ ᐃᑲᔫᑎᒃᓴᓂᒃ ᐊᑐᖅᑕᐅᔪᖅ ᑲᓇᑕᒥ ᐊᒻᒪᓗ ᓄᓇᕐᔪᐊᒥ ᐱᑐᖃᖁᑎᒥᓂᓕᕆᓂᕐᒧᑦ ᐃᓕᓐᓂᐊᕐᓯᒪᔪᕐᔪᐊᓄᑦ ᖃᐅᔨᓴᕐᓂᕐᒧᑦ ᐊᒻᒪᓗ ᖃᐅᔨᓇᓱᐊᕐᓂᕐᒧᑦ ᑕᐸᐃᓇᖅᑐᓂᒃ ᓄᓇᕐᔪᐊᒦᑦᑐᓂᒃ ᑲᓇᑕᒥ ᐃᑦᑕᕐᓂᓴᕐᓂᒃ ᐊᒻᒪᓗ ᓱᕐᕋᐃᑦᑐᓂᒃ ᓄᐊᑕᐅᓯᒪᔪᓂᒃ.

 

ᐊᑦᑐᐊᓂᓖᑦ ᑎᑎᕋᕐᓯᒪᔪᑦ

Artefacts Canada Required Fields (English / Inuktitut)
Contribution Guidelines
(English / Inuktitut)