ᐃᓄᐃᑦ ᐱᖁᑎᖏᓐᓂᒃ ᓇᐅᑦᓯᑐᖅᑏᑦ ᑲᑎᒪᔨᖏᑦ ᓇᓗᓇᐃᖅᑕᐅᓯᒪᔪᑦ ᓄᓇᕗᒻᒥ ᓄᓇᑖᕐᓂᕐᒧᑦ ᐊᖏᕈᑎᓂ. ᐊᑐᓂᑦ ᐊᕕᑦᑐᖅᓯᒪᓂᐅᔪᓂ ᐃᓄᐃᑦ ᑲᑐᔾᔨᖃᑎᒌᖏᑦ (ᑲᑐᔾᔨᖃᑎᒌᑦ) ᓂᕈᐊᕋᑦᓴᓕᐅᕆᐊᓖᑦ ᒪᕐᕉᓐᓂᒃ ᐊᕕᑦᑐᖅᓯᒪᓂᕆᔭᒥᓂᒃ ᐃᓱᒪᒋᔭᐅᒋᐊᕈᓐᓇᓂᐊᖅᑐᓂᒃ ᑐᓐᖓᕕᒃᑯᓐᓄᑦ. ᓄᓇᕗᑦ ᑐᓐᖓᕕᒃᑯᑦ ᑎᒥᖓ (ᑐᓐᖓᕕᒃ) ᓂᕈᐊᖅᓯᓇᔭᖅᑐᑦ ᑖᒃᑯᓇᓐᖓᑦ ᓂᕈᐊᒐᒃᓴᓕᐊᖑᓯᒪᔪᓂᒃ ᐊᒻᒪᓗ ᑎᒃᑯᐊᖅᓯᓗᑎᒃ ᑲᑎᒪᔨᖏᓐᓂᒃ. ᓯᑕᒪᖓᑦ ᑲᑎᒪᔨᒋᔭᐅᔪᖅ ᑎᒃᑯᐊᖅᑕᐅᑐᐃᓐᓇᕐᓗᓂ ᑐᓐᖓᕕᒃᑯᓐᓂᒃ. ᑲᑎᒪᔩᑦ ᐊᑐᓂᑦ ᐱᔨᑦᓯᖅᑎᐅᓕᕐᓗᑎᒃ ᒪᕐᕉᓐᓂᒃ ᐱᖓᓱᓄᑦ ᐅᑭᐅᓄᑦ ᑲᑎᒪᔨᒋᔭᐅᓂᐊᕐᓗᑎᒃ.

ᑲᑎᒪᔨᖏᑦ ᐃᓄᐃᑦ ᐱᖁᑎᖏᓐᓂᒃ ᓇᐅᑦᓯᑐᖅᑏᑦ ᑭᒡᒐᖅᑐᐃᔨᑐᐃᓐᓇᐅᖏᑦᑐᑦ ᑲᑐᔾᔨᖃᑎᒌᓂᒃ ᐊᕕᑦᑐᖅᓯᒪᓂᐅᔪᓂᓪᓘᓐᓃᑦ ᑎᒃᑯᐊᖅᑕᐅᕕᒋᓚᐅᖅᑕᒥᓂᒃ; ᐊᑐᓂᑦ ᐃᓄᐃᑦ ᐱᖁᑎᖏᓐᓂᒃ ᓇᐅᑦᓯᑐᖅᑎᓂ ᑲᑎᒪᔩᑦ ᑭᒡᒐᖅᑐᐃᔨᐅᕗᑦ, ᐊᒻᒪᓗ ᑲᒪᔨᒋᔭᐅᓪᓗᑎᒃ ᐱᔪᒪᔭᖏᓐᓂᒃ ᐊᑲᐅᓂᖅᐹᒃᑯᑦ, ᓄᓇᕗᑦ ᐃᓄᖏᓐᓄᑦ ᐊᖏᕈᑕᐅᓯᒪᔪᒃᑯᑦ.

ᐃᓄᐃᑦ ᐱᖁᑎᖏᓐᓂᒃ ᓇᐅᑦᓯᑐᖅᑏᑦ ᑲᑎᒪᔨᖏᑦ ᐱᓕᕆᐊᒃᓴᕆᔭᒥᓂᒃ ᑲᒪᔭᕆᐊᖃᐃᓐᓇᖃᑦᑕᖅᐳᑦ ᐊᒻᒪᓗ ᐃᖅᑲᓇᐃᔮᖃᖅᑐᑎᒃ ᐊᔾᔨᒌᓐᖏᑦᑐᖅᑎᒍᑦ ᐊᑐᐊᒐᓕᐅᕐᓂᕐᒥᒃ ᑎᑭᓪᓗᒍ ᖃᐅᑕᒫᖅᓯᐅᑎᓂᒃ ᑲᒪᖃᑦᑕᓂᕐᒥᒃ ᐃᓄᐃᑦ ᐱᖁᑎᖏᓐᓂᒃ ᓇᐅᑦᓯᑐᖅᑏᑦ ᐃᖅᑲᓇᐃᔮᖏᓐᓂᒃ. ᐱᔪᒪᔭᐅᔪᓂᒃ ᐊᒻᒪᓗ ᐊᑑᑎᓚᐅᖅᓯᒪᓂᖏᓐᓂᒃ ᒥᓇᖅᓯᒪᓂᕆᔭᖏᑦ ᐃᓄᐃᑦ ᐱᖁᑎᖏᓐᓄᑦ ᓇᐅᑦᓯᑐᖅᑎᓄᑦ ᑕᑯᑦᓴᐅᒍᑕᐅᕗᖅ ᑐᓂᓯᒪᑦᓯᐊᕐᓂᖏᓐᓂᒃ ᐊᖏᖅᓯᒪᓂᕐᒥᓄᑦ ᐊᒻᒪᓗ ᐊᔾᔨᒌᓐᖏᑦᑐᓂᒃ ᑲᒪᖃᑦᑕᕐᓂᖏᓐᓂᒃ ᓄᓇᓕᓐᓂ, ᐊᕕᑦᑐᖅᓯᒪᓂᐅᔪᓂ ᐊᒻᒪᓗ ᐅᑭᐅᖅᑕᖅᑑᑉ ᐊᕕᑦᑐᖅᓯᒪᓂᖏᓐᓂ ᐃᓚᒋᔭᐅᖃᑦᑕᓂᕐᒥᒍᑦ ᑭᓱᑐᐃᓐᓇᕐᓄᑦ. ᑎᓕᓯᓯᒪᔾᔪᑎᖏᓐᓄᑦ, ᐃᖅᑲᓇᐃᔭᖅᑎᖏᑦ ᑲᔪᓯᑎᑦᓯᑦᓯᐊᕈᓐᓇᖃᑦᑕᖅᓯᒪᕗᑦ ᑐᕌᒐᓕᐊᖑᓯᒪᔪᓄᑦ ᑎᑭᐅᑎᑎᑦᓯᖃᑦᑕᖅᑐᑎᒃ ᐃᓄᐃᒃ ᐱᖁᑎᖏᓐᓂᒃ ᓇᐅᑦᓯᑐᖅᑏᑦ ᑲᒪᒋᔭᕆᐊᖃᐃᓐᓇᖃᑦᑕᖅᑕᖏᓐᓄᑦ ᐅᕝᕙᓘᓐᓃᑦ ᓴᖅᑭᑎᑦᓯᓂᕐᒥᒃ ᓄᑖᓂᒃ ᑲᒪᒋᔭᒃᓴᓂᒃ.

ᒫᓐᓇ ᐃᓚᒋᔭᐅᔪᑦ ᐃᓄᐃᑦ ᐱᖁᑎᖏᓐᓂᒃ ᓇᐅᑦᓯᑐᖅᑎᓄᑦ ᑲᑎᒪᔨᒋᔭᖏᓐᓄᑦ:

ᓘᑭ ᓱᓗᒃ (ᐊᕐᕕᐊᑦ) - ᐊᖏᔪᖅᑳᖅ

ᓘᑭ ᑎᒃᑯᐊᖅᑕᐅᑐᐃᓐᓇᖅᓯᒪᔪᖅ ᑲᑎᒪᔨᖏᓐᓄᑦ ᐃᓄᐃᑦ ᐱᖁᑎᖏᓐᓂᒃ ᓇᐅᑦᓯᑐᖅᑏᑦ ᑐᓐᖓᕕᒃᑯᓐᓂᒃ. ᑲᑎᒪᔨᐅᖃᑕᐅᓯᒪᔪᖅ ᐃᑦᑕᕐᓂᓴᖃᕐᕕᐅᔪᑦ ᓄᓇᑦ ᐊᒻᒪᓗ ᓇᓗᓇᐃᒃᑯᑕᖅᑖᕆᔭᐅᓯᒪᔪᓂᒃ ᓄᓇᓂ ᓇᑉᐸᖅᑕᐅᓯᒪᔪᓂᒃ ᑲᑎᒪᔨᖏᓐᓄᑦ ᑲᓇᑕᒥ, ᐃᒃᓯᕙᐅᑕᐅᓪᓗᓂ ᓄᓇᓕᓐᓂ ᐊᑎᓕᕆᔩᑦ ᑲᑎᒪᔨᕋᓛᖏᓐᓄᑦ, ᑲᑎᒪᔨ ᐊᕐᕕᐊᓂ ᕼᐊᒻᓚᑦᑯᑦ ᑲᑎᒪᔨᖏᓐᓄᑦ, ᑲᑎᒪᔨᐅᖃᑕᐅᓯᒪᓪᓗᓂ ᓄᓇᓄᑦ ᒐᕙᒪᒃᑯᖏᓐᓂ ᓄᓇᑦᑕ ᑭᒡᓕᓕᐅᖅᑕᐅᕙᓪᓕᐊᓂᖓᓄᑦ ᐊᐃᕙᔩᑦ ᑲᑎᒪᔨᒋᓚᐅᖅᑕᖏᓐᓄᑦ, ᐊᒻᒪᓗ ᑲᒪᖃᑕᐅᖏᓐᓇᖅᑐᖅ ᐊᔾᔨᒌᓐᖏᑦᑐᓂ ᐃᑦᑕᕐᓂᓴᓕᕆᓂᕐᒨᖓᔪᓂᒃ ᐊᕐᕕᐊᓂ ᐊᒻᒪᓗ ᑭᕙᓪᓕᕐᒥ.
 

ᓗᐃ ᐅᑕᒃ (ᐃᒡᓗᓕᒃ) - ᐊᖏᔪᖅᑳᑉ ᑐᒡᓕᐊ

ᓗᐃ ᓂᕈᐊᒐᑦᓴᓕᐊᖑᓚᐅᖅᑐᖅ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓐᓄᑦ ᐊᒻᒪᓗ ᓂᕈᐊᖅᑕᐅᓪᓗᓂ ᑐᓐᖓᕕᒃᑯᓐᓄᑦ. ᓗᐃ ᑲᑎᒪᔨᑖᖅᑲᐅᖑᓂᖅᐹᖅ ᑲᑎᒪᔨᒋᔭᑦᑎᓐᓂ. ᒫᓐᓇ ᑲᑎᒪᔨᐅᖃᑕᐅᔪᖅ ᓂᐅᑕᖅ ᐱᖅᑯᓯᑐᖃᓕᕆᔨᒃᑯᓐᓄᑦ, ᒫᓐᓇ ᑲᑎᒪᔨᐅᖃᑕᐅᔪᖅ “ᐃᓅᓯᓕᕆᓂᕐᒧᑦ ᐸᕐᓇᐃᔩᑦ” (ᕿᑭᖅᑕᓂᒃᑯᑦ ᐃᓅᓯᓕᕆᔨᒃᑯᑦ ᑲᑎᒪᔨᕋᓛᖏᓐᓄᑦ), ᐃᓚᒋᔭᐅᖃᑦᑕᖅᓯᒪᓪᓗᓂ ᑲᒪᒋᔭᐅᑎᓪᓗᒋᑦ “ᐊᕐᕕᖅᑕᖃᑦᑕᖅᓯᒪᓂᖓ ᕌᔅᒥᐅᓴᓐ” ᑕᕐᕆᔭᓕᐅᖅᑕᐅᑎᓪᓗᒍ ᑲᒪᒋᔭᖃᖅᑎᑕᐅᓪᓗᓂ ᐱᐅᒃᑯᑎᓂᒃ ᐱᖅᑯᓯᑐᖃᕆᔭᐅᔪᒃᑯᑦ ᐊᑐᖅᑕᐅᖃᑦᑕᓯᒪᔪᓂᒃ ᐊᒻᒪᓗ ᕿᑭᖅᑕᓂᒃᑯᓐᓂ ᑲᑎᒪᔨᐅᖃᑕᐅᖃᑦᑕᖅᓯᒪᓂᑰᔪᖅ.
 

Steve Mapsalak—Treasurer
 

Nick Amautinua—Board Member
 

Andre Tatau—Board Member

Andre has an administrations background and has been involved with the Kivalliq Inuit Association, Chesterfield Inlet Housing Association, Ukkusiksalik National Park, Nunavut Arbitration Board, and a Justice of the Peace. He is also a commercial fisherman and a hunter.