ᐃᓄᐃᑦ ᐃᑦᑕᕐᓂᓴᓕᕆᓂᕐᒧᑦ ᐸᐸᑦᑎᕕᖓᑦ

ᐸᐸᑦᑎᕕᒃᑯᑦ ᒥᒃᓵᓄᑦ

ᐃᓄᐃᑦ ᐃᑦᑕᕐᓂᓴᓕᕆᓂᕐᒧᑦ ᐸᐸᑦᑎᕕᒃᑯᑦ ᑐᕌᖓᕗᖅ ᐃᓄᐃᑦ ᑲᑐᔾᔨᖃᑎᒌᖏᓐᓄᑦ ᐱᓕᕆᐊᖃᖅᐸᑦᑐᑎᒃ ᐃᑦᑕᕐᓂᓴᕐᓂᒃ ᖃᐅᔨᓴᕐᓂᕐᒥᑦ, ᐊᔾᔨᒌᙱᑦᑐᓂᒃ ᐃᓄᓐᓂᒃ ᐃᓕᖅᑯᓯᑐᖃᖏᓐᓂᑦ ᖃᐅᔨᓴᕐᓂᕐᒥᒃ, ᐊᒻᒪ ᐃᑦᑕᕐᓂᓴᕐᓂᒃ. ᓄᓇᕗᑦ ᑐᙵᕕᒃ ᑎᒥᖓᑦ ᑲᑐᔾᔨᖃᑎᒌᖑᕗᖅ ᑐᓂᓯᕙᑦᑐᑎᒃ ᐅᕙᑦᑎᓐᓄᑦ ᑮᓇᐅᔭᖅᑖᕈᓯᐊᓪᓗᐊᑕᕐᓂᑦ.

ᐸᕐᓇᐅᑏᑦ ᐊᒻᒪ ᐱᓕᕆᐊᔅᓴᐃᑦ

ᓄᓇᕗᑦ ᑐᙵᕕᒃ ᑎᒥᖓᑦ ᐊᑖᓂᑦ ᐊᖏᕈᑦ ᐋᑎᑯᓪ 33 ᓄᓇᕗᑖᕐᓂᕐᒧᑦ ᐊᖏᕈᒻᒥᑦ ᓴᖅᑭᑕᐅᓚᐅᖅᐳᖅ ᐃᓄᐃᑦ ᐃᑦᑕᕐᓂᓴᖁᑎᖏᓐᓂᑦ ᐸᐸᑦᑎᔩᑦ ᐊᐃᐳᕈ 1994-ᒥ ᐸᐸᑦᑎᓂᕐᒧᑦ ᐊᖏᕈᑎᒃᑯᑦ. ᐃᓄᐃᑦ ᐃᑦᑕᕐᓂᓴᖁᑎᖏᓐᓂᑦ ᐸᐸᑦᑎᔩᑦ ᓴᖅᑭᑕᐅᓚᐅᖅᐳᖅ ᓰᑏᕝᕙ 1995-ᒥ ᑲᓇᑕᒥ ᑯᐊᐳᕋᐃᓴᒃᑯᑦ ᒪᓕᒐᖓᒍᑦ. ᐱᓕᕆᐊᔅᓴᖏᑦ ᓇᓗᓇᐃᖅᑕᐅᓯᒪᕗᑦ ᐊᖏᕈᑦ 33-ᒥ ᐊᒻᒪ 34-ᒥ ᐃᓚᓕᐅᔾᔭᐅᒃᑲᓐᓂᖅᓯᒪᓪᓗᑎᒃ ᐋᑎᑯᓪ 7-ᒥ ᓄᓇᕗᑖᕐᓂᕐᒧᑦ ᐊᖏᕈᒻᒥᑦ.

ᖃᓄᐃᓕᐅᕐᓂᕆᕙᑦᑕᕗᑦ

ᐱᓕᕆᐊᖃᖅᐸᑉᐳᒍᑦ ᐊᔾᔨᒌᙱᑦᑐᓂᒃ ᐱᓕᕆᐊᔅᓴᓂᒃ ᐸᕐᓇᐅᑎᑦᑎᓐᓃᑦᑐᓂᒃ ᐊᒻᒪ ᐱᓕᕆᐊᔅᓴᓄᑦ ᓇᓗᓇᐃᖅᑕᐅᓯᒪᔪᓂᒃ. ᖁᕕᐊᑉᐳᒍᑦ ᐱᐅᔪᒻᒪᕆᓐᓂᒃ ᑲᑎᒪᔨᖃᕋᑦᑕ ᐸᐸᑦᑎᔨᓂᒃ ᐱᓕᕆᐊᖃᕈᒪᓂᖃᑦᑎᐊᖅᑐᓂᒃ ᐃᓄᐃᑦ ᐃᑦᑕᕐᓂᓴᖁᑎᖏᓐᓂᑦ ᐸᐸᑦᓯᔩᑦ ᐅᑉᐱᕆᔭᖏᓐᓂᑦ. ᐱᓕᕆᔪᓐᓇᖅᑐᒻᒪᕆᓐᓂᒃ ᐆᒻᒪᕆᑦᑐᓂᒃ ᐃᖅᑲᓇᐃᔭᖅᑎᖃᖅᑐᑕ ᖃᐅᔨᒪᒋᐊᖅᑎᐅᔪᓂᒃ ᐱᓕᕆᐊᔅᓴᖏᑦ ᐃᓄᐃᑦ ᐃᑦᑕᕐᓂᓴᖁᑎᖏᓐᓂᑦ ᐸᐸᑦᑎᔩᑦ ᒪᓕᑦᑕᐅᒐᓗᐊᕐᒪᖔᑕ.