|
ᒪᓕᒐᒃᓴᓂᒃ ᐋᖅᑭᒃᓱᐃᔩᑦ
ᐃᓄᐃᑦ ᐱᖁᑎᖏᓐᓂ ᓇᐅᑦᓯᖅᑐᖅᑏᑦ ᒪᓕᒐᖃᑦᑎᑕᐅᔪᑦ ᐊᒻᒪᓗ ᐱᓕᕆᐊᒃᓴᖃᑦᑎᑕᐅᓪᓗᑎᒃ ᐊᑦᔨᒌᖏᑦᑐᓂᒃ ᒪᓕᒐᕐᓂᒃ. ᐱᓪᓗᐊᑕᖓᓕ ᑎᑎᕋᖅᓯᒪᔪᖅ ᐱᓕᕆᐊᒃᓴᖏᓐᓂᑦ ᐋᖅᑭᒃᓱᐃᓯᒪᔪᑦ ᐅᓇᐅᕗᖅ ᓄᓇᕗᑦ ᓄᓇᑖᕈᑎᓄᑦ ᐊᖏᖃᑎᒌᒍᑦ
(NLCA), ᐱᓗᐊᖅᑐᒥᒃ ᑎᑎᕋᖅᓯᒪᔪᑦ specifically 33, 34 ᐊᒻᒪᓗ ᐃᓚᖏ ᐅᑯᓇᓂ 7.
ᒪᓕᒐᖃᒻᒥᔪᑦ ᒐᕙᒪᒃᑯᓐᓂᑦ ᓄᓇᕗᒻᒥ ᓲᕐᓗ ᒪᑯᐊ ᓄᓇᕗᒻᒥ ᓇᔪᖅᐸᑦᑕᒥᓂᖏᑦ ᖃᒻᒪᒥᓂᕐᓂᐊᖅᑎᑦ ᐊᒻᒪᓗ ᓴᐅᓂᒥᓂᑐᖄᓗᓐᓂᑦ ᖃᐅᔨᓴᕐᓂᖅ ᓇᑭᙶᖅᓯᒪᒻᒪᖔᑕ ᒪᓕᒐᖏᑦ ᐊᐅᓚᑦᑎᔪᑦ ᖃᓄᖅ ᐃᓄᐃᑦ ᑲᒪᒋᔭᖃᕈᓐᓇᕐᒪᖔᑕ ᐃᑦᑕᕐᓂᓴᕐᓂᒃ.
ᓇᐃᓈᖅᓯᒪᔪᑦ ᒪᓕᒐᐃᑦ ᐊᑖᓃᑦᑐᑦ. ᐅᖃᓕᒫᕈᒪᒍᕕᑦ ᐃᓘᓇᖏᓐᓂᒃ ᑎᑎᕋᖅᓯᒪᔪᖏᑕ, ᐊᑏ ᓇᕿᓪᓗᒋᑦ.
ᓄᓇᕗᒻᒧᑦ ᐊᖏᖃᑎᒌᒍᑦ ᓄᓇᑖᕈᑎᓄᑦ
ᑎᑎᕋᖅᓯᒪᔪᑦ ᓄᓇᕗᒻᒧᑦ ᐊᖏᖃᑎᒌᒍᑦ ᓄᓇᑖᕈᑎᓄᑦ ᓇᓗᓇᐃᖅᓯᕗᖅ ᐱᓕᕆᖃᑎᒌᓐᓂᐅᔪᒥᒃ ᐊᒻᒪᓗ ᑲᒪᒋᔭᐅᔭᕆᐊᖃᑦᑐᓂᒃ ᑖᒃᑯᓇᙵᑦ ᐃᓄᐃᑦ ᓄᓇᕗᒻᒥᐅᑕᐃᑦ ᐊᒻᒪᓗ ᑯᐃᓐ ᐃᓕᓴᐱ ᑲᓇᑕᒥ (ᒐᕙᒪᑐᖃᒃᑯᑦ ᐊᒻᒪᓗ ᓄᓇᕗᑦ ᓄᓇᑦᑎᐊᑉ ᒐᕙᒪᒃᑯᖏᑦ).
ᑎᑎᕋᖅᓯᒪᔪᖅ 7 – ᓄᓇᓕᕋᓛᑦ
ᐃᓄᐃᑦ ᐱᖁᑎᖏᓐᓂᒃ ᓇᐅᑦᓯᖅᑐᖅᑏᑦ ᐱᓕᕆᐊᖃᑉᐸᑦᑐᑦ ᑖᒃᓱᒥᖓ ᑎᑎᕋᖅᓯᒪᔪᒥᒃ ᐅᕘᓇᐃᓐᓇᖅ ᓄᓇᓕᕋᓛᖅᑖᖅᑐᖃᕐᓂᐊᖅᐸᑦ ᐃᑦᑕᕐᓂᓴᖅᑕᖃᕝᕕᐅᔪᒥ. ᐃᓄᐃᑦ ᐱᖁᑎᖏᓐᓂᒃ ᓇᐅᑦᓯᖅᑐᖅᑏᑦ ᒪᓕᑦᑕᐅᓂᐊᖅᑐᓂᒃ ᐋᖅᑮᒍᓐᓇᖅᑐᑦ ᐊᑐᖅᑕᐅᓂᖓᓄᑦ ᐊᒻᒪᓗ ᓄᓇᓕᕋᓛᖃᕝᕕᐅᓂᐊᖅᑐᒧᑦ.
ᑎᑎᕋᖅᓯᒪᔪᖅ 33 – ᐃᑦᑕᕐᓂᓴᓕᕆᓂᖅ
ᑎᑎᕋᖅᓯᒪᔪᖅ 33 ᓇᓗᓇᐃᖅᓯᔪᖅ ᐅᖃᐅᓯᕐᓂᒃ ᑐᕌᖓᔪᑦ ᐃᑦᑕᕐᓂᓴᓕᕆᓂᕐᒧᑦ, ᐃᓕᑕᖅᓯᓪᓗᓂ ᐃᓄᐃᑦ ᐊᑦᔨᐅᖏᑦᑐᒃᑯᑦ ᖃᐅᔨᒪᓂᖃᒻᒪᑕ ᐃᑦᑕᕐᓂᓴᓕᕆᓂᕐᒧᑦ ᑎᑎᖅᑲᖏᑎᒍᑦ ᑕᕐᓂᒃᑯᑦ, ᐃᓕᖅᑯᓯᖅᑎᒍᑦ, ᐅᑉᐱᓂᒃᑯᑦ ᐊᒻᒪᓗ ᐃᓕᓐᓂᐊᖅᑐᓕᕆᓂᒃᑯᑦ ᐊᒻᒪᓗ ᐃᓄᐃᑦ, ᒐᕙᒪᒃᑯᓪᓗ ᑕᒪᒃᑮᒃ ᐱᔪᒪᓂᖃᑦᑐᐃᓐᓇᐅᒻᒪᑎᒃ ᐊᒻᒪᓗ ᑲᒪᒋᔭᖃᕐᓂᒃᑯᑦ ᐊᐅᓚᑦᑎᒋᐊᒃᓴᖅ ᐊᒻᒪᓗ ᐱᓯᒪᔭᐅᓗᑎᒃ ᐅᐊᑦᑎᐊᕈᓐᓂᓴᒥᓃᑦ ᓇᓂᔭᐅᔪᑦ. ᐊᒻᒪᑕᐅᖅ ᑕᕝᕙᓂ ᑎᑎᕋᖅᓯᒪᔪᒥ ᑎᓕᓯᓯᒪᕗᖅ ᐃᓄᐃᑦ ᐱᖁᑎᖏᓐᓂᒃ ᓇᐅᑦᓯᖅᑐᖅᑏᑦ ᓴᖅᑮᑕᐅᖁᔭᐅᓪᓗᑎᒃ ᑖᒃᑯᑎᒎᓇ ᓄᓇᕗᑦ ᑐᙵᕕᒃᑯᑦ ᐊᒻᒪᓗ ᐃᑲᔪᖅᑐᐃᓗᓂ, ᑎᓕᐅᕆᓗᓂ, ᐊᒻᒪᓗ ᐱᔾᔭᐃᖅᓯᒪᑎᑦᑎᓗᑎᒃ, ᐋᖅᑭᐅᒪᑎᑦᑎᓗᑎᒃ, ᐅᑎᖅᑎᑦᑎᓗᑎᒃ ᓱᕐᕋᓐᓂᑰᖏᑐᑎᑐᑦ ᐊᒻᒪᓗ ᑕᑯᒃᓴᐅᑎᑦᑎᓗᑎᒃ ᐃᑦᑕᕐᓂᓴᖅᑕᖃᑦᑐᓂᒃ ᐊᒻᒪᓗ ᓇᓂᔭᐅᓂᑯᐃᑦ ᓄᓇᕗᑦ ᓄᓇᓕᖏᓐᓂ, ᐊᒻᒪᑕᐅᖅ ᐊᓯᖏᑦ ᐊᐅᓚᑕᐅᒋᐊᓖᑦ ᐊᖏᕈᑎᒦᑦᑐᑦ.
ᑎᑎᕋᖅᓯᒪᔪᖅ 34 – ᓇᓗᓇᐃᖅᓯᓂᖅ ᐃᓄᐃᑦ ᓇᑭᙶᖅᓯᒪᒻᒪᖔᖅ ᐊᒻᒪᓗ ᐃᓕᖅᑯᓯᖏᑦ, ᑎᑎᕋᖅᑕᐅᓯᒪᔪᑐᖃᖁᑎᖏᑦ
ᑎᑎᕋᖅᓯᒪᔪᖅ 34 ᓇᓗᓇᐃᖅᓯᔪᖅ ᐅᖃᐅᓯᕐᓂᒃ ᑐᕌᖓᔪᑦ ᑖᒃᓱᒧᖓ ᑎᑎᕋᖅᓯᒪᔪᒧᑦ, ᓇᓗᓇᐃᖅᓯᕗᖅ ᐃᓄᐃᑦ ᓇᑭᙶᖅᓯᒪᒻᒪᖔᑕ ᐊᒻᒪᓗ ᐃᓕᖅᑯᓯᖏᑦ ᐱᓇᓱᐊᖅᑕᐅᔪᑦ ᓄᓇᕗᒻᒥ ᐊᑦᔨᖃᕆᐊᓖᑦ ᐃᖅᑲᓇᐃᔭᕐᓂᕐᒧᑦ ᐊᒻᒪᓗ ᐃᓕᓐᓂᐊᑲᓐᓂᓂᕐᒧᑦ ᑎᑎᕋᖅᓯᒪᔪᑦ ᓇᓗᓇᖅᓯᒪᔪᑦ ᑎᑎᕋᖅᓯᒪᔪᓂ 23 ᐊᒻᒪᓗ ᑲᑐᔾᔨᓂᖃᕆᐊᖃᑦᑐᑦ ᓇᓗᓇᐃᖅᓯᓗᑎᒃ ᓇᓂᔭᐅᓂᑯᐃᑦ ᐊᓯᖏᓐᓃᑦᑐᑦ ᐱᑐᖃᒃᑯᕕᓐᓂ ᐊᑐᖅᑕᐅᑎᑕᐅᓗᑎᒃ ᐱᑐᖃᒃᑯᕕᐅᔪᓄᑦ ᐃᓗᐊᓂ ᓄᓇᕗᑦ ᓄᓇᓕᖏᑕ.
ᒐᕙᒪᒃᑯᑦ ᓄᓇᕗᒻᒥ
ᓄᓇᕗᑦ ᐃᑦᑕᕐᓂᕐᓴᖅᑕᓖᑦ ᒪᓕᒐᖏᑦ
ᐃᓄᒥᓃᑦ ᐊᑐᐊᒐᖓ
ᐃᑦᑕᕐᓂᓴᓕᕆᓂᕐᒧᑦ ᐱᔪᓐᓇᐅᑎᒧᑦ ᑐᒃᓯᕋᐅᑦ
ᐃᑦᑕᕐᓂᓴᓕᕆᓂᕐᒧᑦ ᐱᖁᑎᓄᑦ ᐱᖁᔭᑦ
ᑎᑎᕋᖅᑕᐅᓯᒪᔪᖁᑎᒋᔭᓄᑦ ᐱᖁᔭᑦ
ᐃᑦᑕᕐᓂᓴᖅᑕᖃᕝᕕᐅᔪᓄᑦ ᐱᖁᔭᑦ
|
