ᑲᑎᒪᔨᖏᑦ

ᑲᑎᒪᔨᒋᔭᖏᑦ ᐃᓄᐃᑦ ᐃᑦᑕᕐᓂᓴᓕᕆᓂᕐᒧᑦ ᓇᐅᑦᓯᖅᑐᖅᑏᑦ ᑭᒡᒐᖅᑐᐃᑐᐃᓐᓇᖃᑦᑕᖏᑦᑐᑦ ᑲᑐᔾᔨᖃᑎᒌᓐᓂᒃ ᐅᕝᕙᓘᓐᓃᑦ ᐊᕕᑦᑐᖅᓯᒪᓂᕐᒥᒃ ᐃᓕᔭᐅᕕᒋᖃᑦᑕᖅᑕᖏᑦᑎᒍᑦ, ᐊᑐᓂ ᐃᓄᐃᑦ ᐃᑦᑕᕐᓂᓴᓕᕆᓂᕐᒧᑦ ᓇᐅᑦᓯᖅᑐᖅᑏᑦ ᑲᑎᒪᔨᖏᑦ ᑭᒡᒐᖅᑐᐃᔪᑦ, ᐊᒻᒪᓗ ᐊᑲᐅᓂᖅᐹᖑᓱᒋᔭᒻᒥᒍᑦ, ᐃᓄᖏᓐᓂᒃ ᓄᓇᕗᒻᒥ.

ᑲᑎᒪᔨᒋᔭᖏᑦ ᐃᓄᐃᑦ ᐱᖁᑎᖏᓐᓂᒃ ᓇᐅᑦᓯᖅᑐᖅᑏᑦ ᑭᒡᒐᖅᑐᐃᑐᐃᓐᓇᖃᑦᑕᖏᑦᑐᑦ ᑲᑐᔾᔨᖃᑎᒌᓐᓂᒃ ᐅᕝᕙᓘᓐᓃᑦ ᐊᕕᑦᑐᖅᓯᒪᓂᕐᒥᒃ ᐃᓕᔭᐅᕕᒋᖃᑦᑕᖅᑕᖏᑎᒍᑦ, ᐊᑐᓂᒃ ᐃᓄᐃᑦ ᐱᖁᑎᖏᓐᓂᒃ ᓇᐅᑦᓯᖅᑐᖅᑏᑦ ᑲᑎᒪᔨᖏᑦ ᑭᒡᒐᖅᑐᐃᔪᑦ, ᐊᒻᒪᓗ ᐊᑲᐅᓂᖅᐹᖑᓱᒋᔭᒥᒍᑦ, ᐃᓄᖏᓐᓂᒃ ᓄᓇᕗᒻᒥ.

ᐃᓄᐃᑦ ᐱᖁᑎᖏᓐᓂᒃ ᓇᐅᑦᓯᖅᑐᖅᑏᑦ ᑲᑎᒪᔨᖏᑦ ᐱᓕᕇᓐᓇᖅᑐᑦ ᐊᒻᒪᓗ ᐊᒥᓱᓂᒃ ᐊᑦᔨᒌᖏᑦᑐᓂᒃ ᐱᓕᕆᐊᖃᑉᐸᑦᑐᑎᒃ ᐊᑐᐊᒐᓕᐅᖅᐸᑦᑐᑎᒃ ᖃᐅᑕᒫᑦ ᓇᐅᑦᓯᖅᑐᖅᑏᑦ ᐱᓕᕆᐊᖏᓐᓄᑦ. ᐱᔪᒪᓂᐅᔪᖅ ᐊᒻᒪᓗ ᐱᓕᕆᖃᑦᑕᖅᓯᒪᓂᖏᑎᒍᑦ ᖃᐅᔨᓇᖅᐸᑦᑐᖅ ᐱᓕᕆᔪᒪᓂᖏᓐᓂᓄᒃ ᐊᒻᒪᓗ ᓄᓇᒋᔭᖏᑦ ᓇᒥᑐᐃᓐᓈᑎᓪᓗᒋᑦ, ᐊᕕᑦᑐᖅᓯᒪᓂᒃᑯᑦ ᐊᒻᒪᓗ ᓄᓇᕗᒻᒥ ᐃᓚᐅᓂᖏᑦ ᐊᓯᖏᑎᒍᑦ. ᐊᐅᓚᑦᑎᓂᖏᑎᒍᑦ, ᐃᖅᑲᓇᐃᔭᖅᑏᑦ ᐱᓕᕆᔪᓐᓇᖃᑦᑕᖅᑐᑦ ᐱᓕᕆᐊᒃᓴᖏᑕ ᐃᓄᐃᑦ ᐱᖁᑎᖏᓐᓂᒃ ᓇᐅᑦᓯᖅᑐᖅᑏᑦ ᑕᒪᒃᑯᑎᒎᓇ ᑲᔪᓯᔪᒃᑯᑦ ᐱᓕᕆᐊᖑᔪᑎᒍᑦ ᐅᕝᕙᓘᓐᓃᑦ ᓄᑖᓂᒃ ᓴᖅᑭᖅᑎᕆᕙᓪᓕᐊᓗᑎᒃ.

ᒫᓐᓇᐅᔪᖅ ᑲᑎᒪᔨᐅᔪᑦ ᐃᓄᐃᑦ ᐃᑦᑕᕐᓂᓴᓕᕆᓂᕐᒧᑦ ᓇᐅᑦᓯᖅᑐᖅᑏᑦ ᐅᑯᐊᖑᔪᑦ:

ᓘᒃ ᓱᓗᒃ – ᐊᖏᔪᖅᑳᖓᑦ

ᓘᒃ ᐃᓕᔭᐅᓚᐅᖅᓯᒪᔪᖅ ᑲᑎᒪᔨᖏᓐᓄᑦ ᐃᓄᐃᑦ ᐃᑦᑕᕐᓂᓴᓕᕆᓂᕐᒧᑦ ᓇᐅᑦᓯᖅᑐᖅᑏᑦ ᑖᒃᑯᓇᙵᑦ ᑭᕙᓪᓕᕐᒥ ᐃᓄᐃᑦ ᑲᑐᔾᔨᖃᑎᒌᖏᓐᓂᒃ. ᑲᑎᒪᔨᐅᓚᐅᕐᒥᔪᖅ ᐱᖁᑎᑐᖃᖃᕝᕕᐅᔪᑦ ᐊᒻᒪᓗ ᓇᓗᓇᐃᒃᑯᑕᐃᑦ ᑲᓇᑕᒥ, ᐃᒃᓯᕙᐅᑕᐅᓗᓂ ᓄᓇᓕᓐᓂ ᐃᓚᒋᔭᐅᔪᓄᑦ ᑲᑎᒪᔨᕋᓛᑦ, ᑲᑎᒪᔨᐅᖃᑕᐅᓪᓗᓂ ᐊᕐᕕᐊᒥ ᕼᐋᒻᓚᒃᑯᑦ ᑲᑎᒪᔨᖏᓐᓄᑦ, ᑲᑎᒪᔨᐅᖃᑕᐅᓪᓗᓂ ᒐᕙᒪᒃᑯᑦ ᓄᓇᕗᒻᒥ ᑭᓪᓕᓂᐊᖅᑏᑦ ᐋᔩᖃᑎᒌᖏᓐᓄᑦ, ᐊᒻᒪᓗ ᐱᓕᕆᖃᑕᐅᖏᓐᓇᖅᑐᓂ ᐊᔾᔨᒌᖏᕈᓘᔭᖅᑐᓄᑦ ᐃᑦᑕᕐᓂᓴᓕᕆᔪᓄᑦ ᐊᕐᕕᐊᒥ ᐊᒻᒪᓗ ᑭᕙᓪᓕᕐᒥᐅᓂ.

ᓗᐃ ᖃᒧᒃᑲᖅ – ᐊᖏᔪᖅᑳᑉ ᑐᖏᓕᐊ

ᓗᐃ ᐃᓕᔭᐅᓚᐅᖅᑐᖅ ᑲᑎᒪᔨᖏᓐᓄᑦ ᐃᓄᐃᑦ ᐃᑦᑕᕐᓂᓴᓕᕆᓂᕐᒧᑦ ᓇᐅᑦᓯᖅᑐᖅᑏᑦ ᑖᒃᑯᓇᙵᑦ ᓄᓇᕗᑦ ᑐᙵᕕᒃᑯᓐᓂᑦ. ᐃᒃᓯᕙᐅᑕᕆᔭᐅᒥᔪᖅ ᓄᓇᕗᒻᒥ ᐱᕙᓪᓕᐊᔪᓕᕆᔨᒃᑯᑦ ᑯᐊᐳᕇᓴᒃᑯᖏᓐᓂᒃ, ᐃᒃᓯᕙᐅᑕᕆᔭᐅᓪᓗᓂᓗ ᐅᖅᓱᖅᑑᒥ ᐊᖑᓇᓱᒃᑐᓕᕆᔨᒃᑯᖏᓐᓄᑦ, ᐊᒻᒪᓗ ᐃᒃᓯᕙᐅᑕᐅᓯᒪᓪᓗᓂ ᓄᓇᑦᑎᐊᕐᒥ ᓱᓪᓗᐊᓗᕐ ᐅᐊᓕᓂᕐᒥᑦ ᕿᑭᖅᑖᓗᒻᒧᑦ ᑕᕆᐅᒃᑯᑦ ᐊᖅᑯᑎᖓᑕ ᐃᑦᑕᕐᓂᓴᐅᓂᖓᓄᑦ ᑲᑎᒪᔨᖏᑦ, ᐃᖅᑲᓇᐃᔭᖅᑐᓂ ᕼᐋᒻᓚᒃᑯᓐᓄᑦ ᐅᖅᓱᖅᑑᒥ ᐊᐅᓚᑦᑎᔨᒋᔭᐅᓪᓗᓂ ᐃᓪᓗᓕᕆᔨᒃᑯᓐᓄᑦ ᐊᒻᒪᓗ ᓴᓇᔪᓕᕆᔨᒃᑯᓐᓄᑦ.

ᕕᕕᐊᓐ ᐊᕐᓇᕕᒐᖅ (ᐃᖃᓗᒃᑑᑦᓯᐊᖅ) – ᑭᓇᐅᔭᓕᕆᔨᖓ

ᕕᕕᐊᓐ ᐃᓕᔭᐅᓚᐅᖅᑐᖅ ᑲᑎᒪᔨᖏᓐᓄᑦ ᐃᓄᐃᑦ ᐱᖁᑎᖏᓐᓄᒃ ᓇᐅᑦᓯᖅᑐᖅᑎᖏᓐᓄᑦ ᑖᒃᑯᓇᙵᑦ ᕿᑎᕐᒥᐅᑦ ᐃᓄᐃᑦ ᖃᑐᔾᔨᖃᑎᒌᖏᓐᓄᑦ. ᑮᓇᐅᔭᓕᕆᔨᐅᓚᐅᕐᒥᔪᖅ ᓄᓇᕗᒻᒥ ᐃᓅᓯᓕᕆᔨᒃᑯᑦ ᑲᑎᒪᔨᖏᓐᓄᑦ, ᐊᒻᒪᓗ ᓄᓇᕗᒻᒥ ᐃᑲᔫᓯᐊᖑᖃᑦᑕᖅᑐᓄᑦ ᕿᒥᕐᕈᔨᖏᓐᓄᑦ. ᒫᓐᓇᐅᔪᕐᓕ ᑲᑎᒪᔨᐅᖃᑕᐅᔪᖅ ᓄᓇᕗᒻᒥ ᐸᕐᓇᖃᑎᒌᑦ ᐊᒻᒪᓗ ᐊᐅᓚᑦᑎᓂᕐᒧᑦ ᑲᑎᒪᔨᕋᓛᑦ ᐊᒻᒪᑕᐅᖅ ᐃᓕᔭᐅᕋᑖᓚᐅᕐᒥᔪᖅ ᐃᒃᓯᕙᐅᑕᖓᓄᑦ ᑖᒃᑯᓇᓂ ᓄᓇᕗᒻᒥ ᓱᖅᑯᐊᕿᐅᕙᑦᑐᓄᑦ ᓵᓚᒃᓴᕋᓱᓐᓂᕐᒧᑦ.

ᐊᓚᓐ ᒪᒃᑖᕐ (ᒥᑦᑎᒪᑕᓕᒃ) – ᑲᑎᒪᔨᐅᔪᖅ

ᐋᓚᓐ ᓂᕈᐊᕋᔅᓴᓕᐊᖑᓚᐅᖅᑐᖅ ᑲᑎᒪᔨᖏᓐᓄᑦ ᐃᓄᐃᑦ ᐃᑦᑕᕐᓂᓴᓕᕆᓂᕐᒧᑦ ᓇᐅᑦᓯᖅᑐᖅᑏᑦ ᑖᒃᑯᓇᙵ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᒃᑯᑦ. ᐊᒥᓱᓂ ᑲᑎᒪᔨᐅᕕᖃᖃᑦᑕᖅᓯᒪᔪᖅ ᐱᖃᓯᐅᑎᓪᓗᒍ ᒥᑦᑎᒪᑕᓕᒃᒥ ᐊᖑᓇᓱᒃᑐᓕᕆᔨᒃᑯᑦ, ᑐᓄᓂᖅ ᑯᐊᐸᒃᑯᑦ ᑲᑎᒪᔨᖏᑦ, ᒥᑦᑎᒪᑕᓕᒻᒥᒃ ᐃᒥᐊᓗᓕᕆᔨᒃᑯᑦ ᑲᑎᒪᔨᖏᑦ, ᕼᐋᒻᓚᒃᑯᑦ ᑲᑎᒪᔨᖏᑦ ᒥᑦᑎᒪᑕᓕᒻᒥ ᐊᒻᒪᑦᑕᐅᖅ ᖃᖅᔪᐃᑦ ᐃᓐᓇᑐᖃᐃᑦ ᑲᑎᒪᔨᕋᓛᖏᑦ.