ᐃᓂᖓ: ᑐᓴᐅᒪᖃᑦᑕᐅᑎᓂᖕᒧᑦ ᑐᑭᒧᐊᕐᑎᑦᓯᔨ, ᐃᑦᑕᕐᓂᓴᓕᕆᔨᒃᑯᓐᓂ
ᐊᑯᓂᐅᓂᖓ: ᐊᑯᓂᐅᓂᖓ ᓇᓗᓇᐃᕐᓯᒪᓐᖏᑦᑐᖅ
ᐃᓂᖓ: ᐃᖃᓗᐃᑦ, ᓄᓇᕗᑦ
ᒪᒃᐱᖅᓯᒪᐃᓐᓇᕐᓂᐊᖅᑐᖅ ᐃᓐᓄᓚᐅᙱᓐᓂᖓᓂ
ᐃᓄᐃᑦ ᐱᖁᑎᖏᓐᓂᑦ ᓇᐅᑦᓯᖅᑐᖅᑏᑦ (IHT) ᕿᓂᕐᖓᑕ ᑐᓴᐅᒪᖃᑦᑕᐅᑎᓂᖕᒧᑦ ᑐᑭᒧᐊᕐᑎᑦᓯᔨᑦᓴᒥᑦ, ᐃᑦᑕᕐᓂᓴᓕᕆᔨᖏᓐᓄᑦ, ᐊᑑᑎᖃᒻᒪᕆᑦᑐᓂᑦ ᐊᓪᓚᕝᕕᒥ ᐃᖅᑲᓇᐃᔭᕐᐸᓪᓗᓂ ᐊᒻᒪ ᑐᓴᐅᒪᑎᑦᓯᔨᐅᓂᐊᕐᑐᖅ ᐱᐅᖅᓱᐊᖅᑕᐅᓂᖏᓐᓂᑦ ᐃᓄᐃᑦ ᐃᓕᖅᑯᓯᑐᖃᖓ ᐱᖁᑎᑐᖃᖏᓪᓗ. ᐃᓂᖓᓃᓐᓂᐊᕐᑐᖅ ᑲᒪᒋᔭᖃᕐᓂᐊᕐᑐᖅ ᐃᑦᑕᕐᓂᓴᓕᕆᔪᒪᔪᑦ ᐱᔪᓐᓇᐅᑏᑦ ᑐᑦᓯᕋᐅᑎᖏᓐᓂᑦ ᐱᕙᓪᓕᐊᔭᐅᕙᓐᓂᖏᓐᓂ, ᐊᐅᓚᑦᑎᔨᐅᓗᓂ ᑎᑎᖅᑲᖁᑎᓂᑦ ᐊᑑᑎᖃᓪᓚᕆᑦᑐᓂᑦ, ᐊᒻᒪ ᐃᓚᒋᔭᐅᑎᑦᓯᓯᐊᕐᓂᖕᒥᑦ ᓄᓇᕗᑦ ᓄᓇᖁᑎᖏᓐᓂᑦ. ᐃᓂᖓᓃᓐᓂᐊᖅᑐᖅ ᑐᑭᒧᐊᕐᑎᑦᓯᔨᐅᓂᐊᕐᒥᔪᖅ ᐃᓐᓇᑐᖃᑦ ᐃᓕᑕᕆᔭᐅᓂᖏᓐᓄᑦ ᑐᓂᕐᕈᓯᐊᒥᑦ ᐊᒻᒪ ᓴᖅᑭᔮᕐᑎᑦᓯᕙᓪᓗᓂ ᐱᖁᑎᑐᖃᓕᕆᔨᒃᑯᑦ ᐃᑦᑕᕐᓂᓴᓕᕆᓂᖕᒧᑦ ᒪᓕᒋᐊᓕᖏᓐᓂᑦ.
ᐊᖏᔪᖅᑳᖃᖅᑐᓂ ᐃᑦᑕᕐᓂᓴᓕᕆᔩᑦ ᑐᑭᒧᐊᕐᑎᑦᓯᖓᓂᑦ, ᑲᒪᒋᓪᓗᐊᑕᕐᓂᐊᕐᑕᖏᑦ ᐃᖅᑲᓇᐃᔮᖓᓂ:
-
ᐱᔪᓐᓇᐅᑎᓂᑦ ᑐᑦᓯᕋᕐᑐᑦ ᐊᐅᓚᑕᐅᓂᖏᓐᓂᑦ: ᑐᑦᓯᕋᐅᑏᑦ ᐃᓯᖅᐸᓪᓕᐊᔪᑦ ᐊᒻᒪ ᓇᐅᑦᓯᖅᑐᕐᓗᒋᑦ ᐃᑦᑕᕐᓂᓴᖅᓯᐅᕈᒪᔪᑦ ᐱᔪᓐᓇᐅᑎᓂᑦ ᑐᑦᓯᕋᐅᑎᖏᑦ, ᐅᐸᓗᖓᐃᔭᐃᓂᖅ ᐊᐅᓪᓚᖅᑎᑦᓯᕙᓪᓗᓂᓗ ᑲᑎᖅᓱᖅᓯᒪᔪᓂᑦ ᓄᓇᓕᓐᓅᕆᐊᓕᓐᓂᑦ, ᖃᐅᔨᒋᐊᕐᐸᓪᓗᒋᑦ ᑭᐅᔭᐅᒋᐊᓕᒥᓃᑦ ᑭᐅᔭᐅᓐᓂᕐᒪᖔᑕ, ᐃᑲᔪᕐᐸᓪᓗᓂ ᓇᐅᑦᑎᖅᓱᖅᑏᑦ ᑲᑎᒪᔨᖏᓐᓂᑦ ᐃᓱᒪᓕᐅᓕᕋᐃᑉᐸᑕ ᐱᕙᓪᓕᐊᒋᐊᓕᓐᓂᑦ, ᐊᒻᒪ ᐋᔩᖃᑎᖃᖅᐸᓪᓗᓂ ᒐᕙᒪᒃᑯᓐᓂᑦ ᐱᓇᓱᐊᖃᑎᒋᕙᑦᑕᑎᓐᓂᑦ.
-
ᑎᑎᖅᑲᖁᑏᑦ ᐊᐅᓚᑕᐅᓂᖏᑦ: ᐊᖑᒻᒪᑎᑎᓪᓗᒋᑦ ᑐᑦᓯᕋᐅᑏᑦ ᐊᒻᒪ ᐅᓂᒃᑳᖑᒋᐊᓖᑦ ᑎᑎᖅᑲᖅᑕᖏᑦ, ᖃᕆᓴᐅᔭᒧᑦ ᓇᕿᑦᑕᕆᐊᓖᑦ ᑐᖅᑯᐃᕕᓄᑦ, ᑎᑎᖅᑲᖁᑎᓕᒫᖏᑦ ᐅᓪᓗᒥᒧᑦ ᐊᖑᒻᒪᑎᒐᓗᐊᕐᒪᖔᑕ ᖃᐅᔨᓴᕐᐸᓪᓗᒋᑦ, ᓇᐅᑦᓯᖅᑐᖅᐸᓪᓗᒋᑦ ᐃᑦᑕᕐᓂᓴᓕᓐᓄᑦ ᐊᐅᓪᓚᐸᑦᑐᑦ.
-
ᓄᓇᓕᓐᓂᑦ ᐃᓚᒋᔭᐅᑎᑦᓯᓂᖅ: ᑐᓴᐅᒪᖃᑎᒌᑎᑦᓯᔨᐅᓗᓂ ᐃᑦᑕᕐᓂᓴᖅᓯᐅᖅᑎᓂᑦ ᐊᒻᒪ ᓄᓇᓕᓐᓂᑦ, ᓴᖅᑭᔮᕐᑎᑦᓯᔨᐅᓗᓂ ᓇᐅᑦᑎᖅᓱᖅᑎᒃᑯᑦ ᐃᑦᑕᕐᓂᓴᓕᕆᓂᖕᒧᑦ ᒪᓕᒐᖏᓐᓂᑦ, ᐅᔾᔨᕈᓱᑦᑎᑦᓯᒋᐊᕐᐸᓪᓗᓂ ᓄᓇᕗᒥ ᐃᑦᑕᕐᓂᓴᓕᕆᓂᖕᒥᑦ, ᐊᒻᒪ ᓴᖅᑭᔮᕐᑎᑦᓯᕙᓪᓗᓂ ᐃᑦᑕᕐᓂᓴᖅᓯᐅᖅᑏᑦ ᐃᖅᑲᓇᐃᔮᖏᓐᓂᑦ ᐊᒻᒪ ᐃᓕᓐᓂᐊᕈᑕᐅᔪᓐᓇᕐᑐᓂᑦ ᐃᓄᓐᓄᑦ.
-
ᑐᓐᓂᖅᑯᑕᐅᕙᑦᑐᑦ ᑐᑭᒧᐊᕐᑎᑕᐅᓂᖏᑦ: ᑐᑭᒧᐊᕐᑎᑦᓯᔨᐅᓗᓂ ᓂᕈᐊᕋᑦᓴᓐᖑᕐᑎᑕᐅᓯᒪᔪᓂᑦ ᑐᓂᕐᕈᓯᐊᑦᓴᓄᑦ ᐊᒻᒪ ᓂᕈᐊᕐᑕᐅᓂᖏᑦ ᐃᓐᓇᑐᖃᐃᑦ ᐃᓕᑕᕆᔭᐅᓂᐊᕐᑐᑦ ᑐᓂᕐᕈᓯᐊᕐᑎᑕᐅᓂᒃᑯᑦ.
-
ᑕᒪᐃᓐᓄᑦ ᐃᑲᔪᕐᑎᐅᓂᖅ: ᐃᑲᔪᖅᐸᓪᓗᓂ ᐃᓄᐃᑦ ᓇᐅᑦᓯᖅᑐᖅᑏᑦ ᑎᒥᖓᑦ ᖃᓄᐃᓕᐅᕐᑎᑦᓯᓕᕋᐃᑉᐸᑕ ᐊᒻᒪ ᓄᓇᓕᓐᓄᑦ ᑐᓴᕐᑕᐅᒋᐊᓕᓐᓂᑦ, ᐃᑲᔪᕐᐸᓪᓗᓂ ᐃᓄᐃᑦ ᐱᖁᑎᑐᖃᖏᓐᓂᑦ ᓴᖅᑭᔮᕐᑐᑦᓴᑦ ᐱᕙᓪᓕᐊᔭᐅᓂᖏᓐᓂ ᐃᓕᓐᓂᐊᕈᑎᑦᓴᑦ, ᐊᒻᒪ ᐱᑐᐃᓐᓇᐅᖏᑦᑐᑦ ᐃᖅᑲᓇᐃᔮᖑᒋᐊᓖᑦ ᓲᕐᓗ ᓄᓇᕗᒥ ᐃᓄᐃᑦ ᑕᑯᔭᒐᖃᕐᕕᑦᓴᖓ.
ᐃᖅᑲᓇᐃᔮᖅᑖᓂᐊᖅᑐᖅ ᑎᑎᕋᕈᓐᓇᑦᓯᐊᓪᓚᕆᒋᐊᓕᒃ ᐅᖃᓕᒪᖃᑎᖃᕈᓐᓇᑦᓯᐊᕐᓗᓂᓗ, ᐊᓪᓚᕝᕕᒻᒥ ᑲᑐᔾᔨᖃᑎᒌᒥᓗ ᐊᐅᓚᑦᑎᓕᒻᒪᓪᓗᓂ ᐱᓕᒻᒪᑦᓯᒪᓗᓂ, ᐊᒻᒪ ᑎᑎᖅᑲᖁᑎᓂᑦ ᐊᐅᓚᑦᑎᓕᓂᐅᓗᓂ ᐊᒻᒪ ᓄᓇᓕᓐᓂᑦ ᑐᑭᒧᐊᕐᑎᑦᓯᓕᓂᐅᓗᓂ. ᖁᑦᓯᓂᕐᓴᒥ ᓯᓚᑦᑐᖅᓴᕐᕕᒻᒥ ᐃᓕᓐᓂᐊᖅᓯᒪᒋᐊᓖᑦ ᐱᔭᐅᔪᒪᓂᕐᓴᐅᕙᑦᑑᒐᓗᐊᑦ ᑭᓯᐊᓂ ᐃᖅᑲᓇᐃᔭᖃᑦᑕᓕᓂᐅᓂᖓ ᐊᒻᒪ ᐃᓅᓯᕐᒥᓂ ᐊᑐᖅᓯᒪᔭᖏᓐᓂᑦ ᐱᓕᒻᒪᑦᓯᒪᓂᖓ ᐃᓱᒪᖅᓴᖅᓯᐅᕈᑕᐅᓂᐊᕐᑐᑦ. ᖃᐅᔨᒪᑦᓯᐊᕆᐊᓕᒃ ᖃᕆᓴᐅᔭᓂᑦ ᐃᓱᒪᐅᑎᖏᓐᓂᓗ Microsoft 365.
ᖃᓪᓗᓇᐅᔭᕈᓐᓇᑦᓯᐊᕆᐊᓕᒃ. ᐃᓄᒃᑎᑑᕈᓐᓇᖁᔭᕋᓗᐊᕗᑦ (ᐃᓕᓐᓂᐊᕐᑎᑕᐅᔪᓐᓇᑐᐃᓐᓇᕆᐊᓕᒃ).
ᑮᓇᐅᔾᔭᑦᓵᖏᑦ ᓇᓕᒧᐸᓗᖏᑦ ᐊᓯᖏᑕ ᐊᒻᒪ ᐃᓚᓕᐅᔾᔭᐅᓯᒪᔪᑦ ᐅᑭᐅᖅᑕᖅᑐᒥᐅᑕᐅᓂᖕᒧᑦ ᐃᑲᔫᓯᐊᖑᕙᑦᑐᑦ. ᐃᓪᓗᖃᖅᑎᑕᐅᖏᑦᑐᖅ.
ᑐᑭᓯᒋᐊᒃᑲᓐᓂᕈᒪᒍᕕᑦ ᐅᕝᕙᓘᓐᓃᑦ ᑐᓂᓯᔪᒪᒍᕕᑦ ᐅᓂᒃᑳᓐᓂᑦ ᐃᖅᑲᓇᐃᔭᖃᑦᑕᓕᓂᐅᓂᕐᓂᑦ ᐃᓕᓐᓂᐊᕐᓯᒪᔭᓐᓂᓪᓗ ᐅᕗᖓ ᑐᓂᓯᔪᓐᓇᕐᑐᑎᑦ ᐃᕐᖕᓃᓈᕈᑎᒃᑯᑦ heritage@ihti.ca