|
The Inuit Heritage Trust (IHT) ᑐᕌᖓᑎᑕᐅᔪᖅ ᐸᐸᑕᐅᓂᖏᓐᓄᑦ, ᐱᕚᓪᓕᕈᑎᒃᓴᖏᓐᓄᑦ ᐊᒻᒪᓗ ᓴᐳᔾᔭᐅᓯᒪᔾᔪᑎᑦᓴᖏᓐᓄᑦ ᐃᓄᐃᑦ ᐃᓕᖅᑯᓯᕆᖃᑦᑕᖅᓯᒪᔭᖏᓐᓂᒃ ᐊᒻᒪᓗ ᐃᓕᓴᒃᓇᐅᑎᒋᔭᖏᓐᓂᒃ ᓄᓇᕗᒻᒥ ᐃᑦᑕᕐᓂᓴᓕᕆᕕᐅᕙᑦᑐᓂ, ᖃᐅᔨᔾᔪᑕᐅᕙᑦᑐᑦ ᐃᓄᖏᓐᓂᒃ ᓇᒥᒥᐅᑕᐅᓂᕐᒪᖔᑕ ᐊᒻᒪᓗ ᓄᓇᒥᓂ ᐊᑎᑐᖃᖏᓐᓂᒃ ᓄᓇᐃᑦ. ᓇᐅᑦᓯᖅᑐᖅᑏᑦ ᐱᓕᕆᐊᕆᕙᑦᑕᖏᑦ ᑐᙵᕕᖃᑦᑐᑦ ᐅᑉᐱᕐᓇᕈᑎᒃᓴᕆᓪᓗᓂᒋᑦ ᐱᖅᑯᑐᓯᑐᖃᕐᒥᑎᒍᑦ ᖃᐅᔨᒪᓂᕆᔭᖏᓐᓂᒃ ᐊᒻᒪᓗ ᓯᓚᑐᓂᕆᔭᖏᓐᓂᒃ ᐃᓇᒻᒪᕆᖁᑎᑦᑕ. ᐃᓄᐃᑦ ᐱᖁᑎᖏᓐᓂᒃ ᓇᐅᑦᓯᑐᖅᑏᑦ ᐱᓂᐊᕐᓂᕋᐅᑎᖏᑦ ᓄᓇᕗᒻᒥ ᓄᓇᑖᕐᓂᕐᒧᑦ ᐊᖏᕈᑎᓃᓐᖔᖅᑐᑦ, ᐊᖏᓂᖅᐹᖑᔪᓂᒃ ᓄᓇᖃᖅᑳᖅᓯᒪᔪᑦ ᓄᓇᑖᕐᓂᕐᒧᑦ ᐊᖏᕈᑕᐅᓯᒪᔪᓕᒫᓂᒃ ᑲᓇᑕᒥ ᐊᑐᖅᑕᐅᖃᑦᑕᖅᓯᒪᔪᓂᒃ, ᐊᑎᓕᐅᖅᑕᐅᓚᐅᖅᑐᖅ 1993-ᒥ. ᓄᓇᕗᒻᒥ, ᓇᐅᑦᓯᑐᖅᑏᑦ ᑭᒡᒐᖅᑐᐃᖃᑦᑕᖅᑐᑦ ᐃᓄᐃᑦ ᐱᔪᒪᔭᖏᓐᓂᒃ ᑲᒪᒋᔭᐅᔪᓂᒃ ᐱᖅᑯᓯᕆᖃᑦᑕᖅᓯᒪᔭᖏᓐᓅᖓᔪᓂᒃ, ᐃᑦᑕᕐᓂᓴᓕᕆᓂᕐᒧᑦ, ᐃᓄᖏᓐᓂᒃ ᓇᒥᒥᐅᑕᐅᓐᓂᕐᒪᖔᑕ, ᓄᓇᓂᒃ ᐊᑦᓯᖅᑐᐃᓯᒪᓂᖏᑦ ᐊᒻᒪᓗ ᓄᓇᓂᒃ ᐅᑉᐱᕆᔭᐅᔪᓂᒃ.
|
ᐱᓕᕆᐊᖑᔪᑦ
ᓄᓇᓂᒃ ᐊᑦᓯᖅᑐᐃᓂᐅᔪᖅ
ᓇᐅᑦᓯᑐᖅᑏᑦ ᓄᓇᓂᒃ ᐊᑦᓯᖅᑐᐃᓂᕆᔭᖏᓐᓄᑦ ᑲᒪᒋᔭᐅᔪᓄᑦ ᐃᑭᐊᖅᑭᔾᔪᑎᖓ ᐱᔨᑦᓯᕈᑕᐅᕗᖅ ᓯᐊᒻᒪᑦᑎᕆᕙᓪᓕᐊᒍᑎᒃᓴᐅᓪᓗᓂ ᐊᑦᓯᖅᑐᖅᑕᐅᓯᒪᓂᕆᔭᖏᓐᓂᒃ ᓄᓇᓂᒃ ᖃᐅᔨᒪᔭᐅᔪᓂᒃ ᐊᔾᔨᒌᓐᖏᑐᖅᑎᒍᑦ ᑲᒪᒋᔭᐅᓪᓗᓂ ᐃᓚᒋᔭᐅᓪᓗᑎᒃ ᓇᐅᑦᓯᑐᖅᑏᑦ ᓄᓇᕗᑦ ᓄᓇᓐᖑᐊᓕᐅᕐᕕᒋᔭᖏᓐᓂᒃ, ᓄᓇᕐᔪᐊᖅ ᓄᓇᖏᓐᓂᒃ ᑕᑯᒋᐊᕐᕕᒃ ᑕᐃᒎᓯᓕᒃ Google Earth ᐊᒻᒪᓗ ᑖᒃᑯᑎᒎᓇ ᐊᑕᓈᑦᑎᐊᖅ ᓄᓇᓐᖑᐊᓂᒃ ᑕᑯᒋᐊᕐᕕᒃ. ᐊᑏᑐᖅ ᑕᑯᒋᐊᓚᐅᕐᓂᐊᖅᐸᑎᑦ!
|
 |
ᐅᖃᐅᓯᒃᓴᑎᑦ ᐊᐅᓪᓚᑎᓪᓗᒋᑦ ᐃᑭᐊᖅᑭᔾᔪᑎᒧᑦ ᐅᕗᖓ ᑖᒃᑯᓇᓂᓕᒫᖅ ᑎᑎᕋᖅᓯᒪᔪᑦ ᐃᑭᐊᖅᑭᔾᔪᑎᑦᑎᓐᓂ ᒪᓕᒐᖅᑎᒍᑦ ᐃᔾᔪᐊᖅᑕᐅᔾᔭᐃᒃᑯᑎᓖᑦ © ᐱᒋᔭᐅᓂᖏᓐᓂᒃ ᐃᓄᐃᑦ ᐱᖁᑎᖏᓐᓂᒃ ᓇᐅᑦᓯᑐᖅᑎᒃᑯᓐᓄᑦ. |
ᐅᕝᕙᓘᓐᓃᑦ ᓇᓕᑐᐃᓐᓇᑎᓐᓂᒃ ᑐᓴᕆᐊᕐᕕᖃᕈᒪᒍᕕᑦ ᑖᒃᑯᓇᓃᑦᑐᑦ ᐃᖅᑲᓇᐃᔭᖅᑏᑦ-ᓚᓯᒪᔪᓂ.